Qëlloi me mjete prerëse të moshuarin, zbardhet vrasja e 5 viteve më parë në Fier, arrestohet 43-vjeçari

Policia ka zbardhur dhe dokumentuar me prova një vrasje të ndodhura 5 vite më parë në Fier.

Në pranga ka rënë një 43-vjeçar me emrin Skënder Krasniqi i cili më 22 nëntor të 2015 ka qëlluar me mjete prerëse një të moshuar 82-vjeçar, Novruz Likometën duke e lënë të vdekur.

NJOFTIM NGA POLICIA

Fier

Zbardhet dhe dokumentohet me prova ligjore vrasja e ndodhur më 22.11.2015, në qytetin e Fierit.

Kapet dhe ndalohet autori i vrasjes së 82-vjeçarit.

Strukturat për Hetimin e Krimeve në DVP Fier, pas një pune operative dhe hetimore intensive, kanë bërë të mundur dokumentimin ligjor të ngjarjes së ndodhur në datën 22.11.2015, në Fier, ku është vrarë me mjete të forta prerëse shtetasi N. L., 82 vjeç, banues në Fier.

Pas rifillimit të çështjes penale, në bashkëpunim dhe koordinim me Prokurorinë Fier u arrit sigurimi i provave ligjore dhe paraqitja e tyre në Gjykatë.

Nga specialistët për Hetimin e Krimeve të Rënda në DVP Fier u bë ekzekutimi i vendimit të Gjykatës së Rrethit Gjyqësor Fier, e cila ka vendosur masën “Arrest në burg” për shtetasin S. K., 43 vjeç, banues në Fier, për veprën penale “Vrasja me paramendim”.

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.

Artikuj të ngjashëm